Hos 6 | ZomZIV | STEP | “Hong pai un, TOPA lamah kileh ni. Amah in eite hong balnen hangin eite hong damsak ding hi; eite hong liamsak khit hangin i liammate hong tunsak ding hi.

Hosea 6

Israel Kisik-lo

1 “Hong pai un, TOPA lamah kileh ni. ^a
Amah in eite hong balnen hangin
eite hong damsak ding hi; ^b
eite hong liamsak khit hangin
i liammate hong tunsak ding hi. ^c
2 Ni nih khit ciangin eite hong puahpha dinga; ^d
ama omna ah i ten theih nadingin
a ni thumna ni-in eite a ngei hong bangsak ding hi. ^e
3 Eite in TOPA phawk ni;
amah phawk ding ngaihsun tentan ni.
Ni a suah pelmawh bangin amah
hong kilang pelmawh ding hi;
tuklai-a guahzuk bangin eite kiangah hong pai dinga, ^f
leitung tui a buak sikhiau guah bangin amah hong pai ding hi.” ^g
4 “Ephraim aw, nang bang hong cih thei ding ka hi hiam? ^h
Judah aw, nang bang hong cih thei ding ka hi hiam?
Na itpa lah zingsang meiilum tawh kibanga,
zing tunga daitui bangin mangthang hi. ⁱ
5 Tua ahi ciangin kamsangte zangin kong atnen a,
ka muk-a kammalte in kong that hi; ^j
ka thukhennate no tungah khuaphia bangin a phia hi.
6 Ahang in keimah in biakpiakna deih loin lainatna ka deih hi; ^k
meihal biaknate sangin Pasian theihna ka deihzaw hi. ^l
7 Amaute in Adam ^{▼▼6.7 Ahikeh Adam tunga bangin; ahikeh mi tawh kibangin} bangin thukhun palsat khin uh a -
tua lai-ah kei tungah a muanhuai kei uh hi. ⁿ
8 Gilead pen migilote khuapi khat hi-a, ^o
sisan khekhap tawh a nin hi.
9 Galgukte in mi khat a buksim bangun ^p
siampi honte a tuaci uh hi;
amaute in Shechem paina lampi ah that uh a,
a zumhuai mawhna a bawl uh hi.
10 Keimah in Israel inn sungah
a mulkimhuai na khat ka mu hi.
Tua lai-ah, Ephraim kizuakna ah kipia a,
Israel a buahsak hi. ^q
11 “Nang Judah adingin ahileh
an lak hun kiseh khin hi.
“Mailam hunah ka mite a kaam uh ka phatsak ciang,